Despues di a presenta exitosamento e premionan na e ganadornan di e competencia di pintura y arte di e projecto Nos Aruba 2025, nos ta organisa un exposicion di tur e pinturanan y obranan cu a sali for di e competencia aki. Museo Archelogico Aruba lo ta habri for di Diahuebs 10 di Juli proximo te cu 17 di juli 2008 cu excepcion di Diadomingo entre 4’or di atardi y 7’or di anochi pa tur hende por admira e talento y creatividad di nos muchanan. Entrada ta completamente gratis.
E Meta principal di e competencia aki ta pa concientisa nos muchanan y mayornan pa cu e projecto Nos Aruba 2025 y tambe pa crea un calender 2009 y tres poster pa e projecto aki. For di e competencia aki a sali un variacion di idea con nos muchanan ta wak Aruba na aña 2025. Pesey nos ta invita henter Aruba y especialmente tur muchanan, mayornan y maestronan pa pasa bishita e bunita exposicion aki.
Un pabien ta bai na tur e participanten cu nan bunita arte y tambe un danki special na e e siguiente sponsornan: AIB Bank N.V, Antraco, Texaco Sasaki, De Palm tours, Pelican Tours, Atlantis Submarine, Aruba Adventures, Red Sail Sports, Boekhandel Mariska, Lin-enemar Services N.V., Kinder Atelier Crea Arte y Museo Archelogico Arubano.
Nos aruba 2025 lo sigi organisa mas evento den cuadro di e projecto aki y ta invita henter comunidad di Aruba pa bishita e website www.nosaruba2025.aw pa sigi duna bo aporte y participa den e projecto. |
