Comunidad General

Desde 1986 Aruba a crece hopi liher. Esaki a crea cu no tin un balans entre e economia, e parti social y e parti di medio ambiente di Aruba. Cu no tin un balans a bira y ta birando cada dia mas obvio. Door tur esaki e interes di e comunidad Arubiano pa traha den direccion di desaroyo duradero a crece den transcurso di tempo.

Nos Aruba 2025 ta ofrece e oportunidad pa cada persona cu ta biba na Aruba, cu ta stima Aruba y cu ta interesa den Aruba expresa su mes y wordo scucha.

Nos comunidad Aruba ta multicultural. Esaki ta parti di nos historia. Pa hopi siglo Aruba a habri su portanan pa ciudadanonan di diferente nacionalidad pa bin traha y yuda engrandece Aruba. Abo cu a haci bo bida na Aruba y ta aporta na Aruba, tambe por ta parti di e proceso aki. Nos Aruba 2025 ta pa tur esnan cu tin Aruba na curason.

Tur hende bibando na Aruba por duna su aporte den determinacion di e vision di Aruba. Esaki por wordo haci door di tira un vista riba e website di Nos Aruba 2025 www.nosaruba2025.aw pa noticia y evenemento. Of bo por laga nos sa cu kico bo kier contribui na dje via fax 583-4494 of via email na deaci@setarnet.aw. 

Actualmente tin 12 comision di Nos Aruba 2025 cu huntamente ta trahando riba e plan di accion con pa logra desaroyo duradero na Aruba. Pa mas informacion riba e 12 comisionnan aki, primi riba “commissions”. Cada persona cu ta interesa pa traha den un comisión por haci esaki door di tuma contacto cu un di e lidernan di cada comision:  Click aki

Arubiano den Exterior
Tin hopi Arubiano cu ta biba afo pero hopi Arubiano cu ta biba afo tin algo den cumon cu otro. Tin biaha ora bo ta wak televisión anochi y bo ta pensa riba Aruba. Den bo curason semper lo bo pensa di unda bo a bin y riba e recuerdonan bunita cu bo tin di Aruba. Hopi Arubiano cu ta biba afo y ta topa otro ta papia tocante kico ta pasando na Aruba. Hopi di bosonan tin conocimento nobo y amplio y di un perspectiva nobo. Maske bo ta biba afo bo kier contribui na e bienestar di bo isla Aruba. Esaki por ta un contribucion valioso den e proceso di un vision total di Aruba. Pa e motibo aki Nos Aruba 2025 ta ofrece un oportunidad tambe pa Arubianonan den exterior contribui na e visión aki. Comparti bo experiencia positivo riba e forum interactivo di e website.

Hubentud
Abo ta e futuro di Aruba! Un lema hopi popular pero pa Nos Aruba 2025 esaki ta hopi valioso. Nos Aruba 2025 ta e oportunidad pa abo por comunica bo ideanan, bo vision y bo experiencia, intercambia ideanan y duna otro sosten den e esfuerso di mehora bo bario y e comunidad Arubiano. Bo participacion den e futuro exito di Arub door di comparti bo experiencia y speransa pa Aruba y traha pa implementa e diferente sugerencianan. E comision “Long Life Learning and Personal Development (siña pa bida largo y desaroyo personal) tin un division den e comision aki cu ta yama “Next Generation” cu ta traha riba e tema di hubentud. Bo por participa den e división di e comisión aki. Tuma contacto cu e lider di e comision aki sra. Gwennan Boekhoudt, email: geboekhoudt@gmail.com