• JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator

Meet the Winners

 

Archives
 - May 2009
 - February 2009
 - October 2008
 - July 2008
 - June 2008
June 2008
Mei/Juni: Competencia di Poster pa Skol Basico: “Nos Aruba 2025” Con bo ta wak Aruba na ana 2025?

Friday, June 6th, 2008

COMPETENCIA DI POSTER
“NOS ARUBA 2025”
Skol Basico

E projecto NOS ARUBA 2025 ta un projecto pa crea un visión pa Aruba pa aña 2025 di un manera participativo unda diferente organizacionan y comunidad en general ta duna nan opinión. Muchanan tambe ta importante den e proceso aki. Un forma cu nan por duna nan opinión ta via di un pintura. Muchanan di skol basico por participa den un competencia di pintura unda e mucha ta visualiza pa medio di su pintura con e kier pa Aruba ta ora e bira grandi.

  • E poster mester relata na e tema “Nos Aruba 2025”: con bo kier pa Aruba ta na aña 2025 (ora bo bira grandi)
  • E pintura mester wordo pinta riba papel A4, A3 of lettersize
  • Mester ta di color
  • Mester usa: kleurpotlood, marker, stift, verf of krijt
  • Puntonan lo wordo duna riba e siguiente aspectonan:
    1. Abilidad di comunica un mensahe visual
    2. Creatividad
    3. Composishon y structura
  • Cada participante mester scirbi nan nomber, scol, klas y edad patras di e pintura
  • E pintura mester wordo entrega na cada scol y esaki lo wordo busca door di miembro di comité
  • Ultimo dia pa entrega bo pintura cerca bo maestro(a) ta 27 di Juni

Den e siman di 1 juli e 12 pinturanan ganador lo wordo scohi door di un juri. Esakinan ta dos di eerste, dos di tweede, dos di derde, dos di vierde, dos di vijfde y dos di zesde klas. E 12 pintura lo wordo usa pa traha un calender pa aña 2009. For di e esakinan lo scohe e 3 pintura ganado cu lo wordo usa pa traha e tres posters pa e projecto aki. E posters nan lo wordo distribui full rond di Aruba.

Tur mucha di skol baisco y special ta wordo invita pa participa. Lo tin premio pa e 12 pinturanan.

 

 

Simposio “E Forza di Nos Fundeshi di Aruba” diasabra 14 di Juni, 2008 8 a.m. – 4.30 p.m. na Renaissance Convention Center

 

Henter e comunidad di Aruba lo bini hunto pa aporta directamente na Aruba su futuro, asina ta wak pa bo tey.

E proceso “Nos Aruba 2025, Abo decidi awor, nos Aruba di mañan” ta sumamente contento cu e respaldo cu henter e comunidad Arubano ta mustrando cu e proceso aki. Dia 14 di Juni proximo lo bay tuma lugar e di segundo simposium cu lo carga e nomber“ E forza di e fundeshi di Aruba”.

E proceso aki tin como meta pa determina e visión pa Aruba te cu aña 2025 cual ta aporta na un Aruba duradero. Den un forma participativo cu e comunidad di Aruba nos lo reenforza nos balornan y fundeshi di Aruba cual lo hiba nos na un desaroyo duradero.
A traves di participacion di tur sector y communidad en general tin como mision principal pa formula un vision pa Aruba te cu aña 2025.

Importante ta cu e proceso aki ta forma un base pa e diferente integrantenan di nos comunidad pa bini hunto y papia y dicidi asina con y kiko nos mester haci pa na aña 2025 pa asina asegura cu nos a logra e vision. Pa logra esaki di un manera optimal, a opta pa hasi esaki den un forma participativo.

Un di e metanan principal di “Nos Aruba 2025, Abo decidi awor, nos Aruba di mañnan” ta pa trece e comunidad di Aruba hunto pa medio di diferente simposio, trainingen y actividadesnan interactivo. Aruba su hendenan ta mustrando interes y ta spera cu mas hende jama of manda e-mail pa asina reserva nan participación na e grandiozo evento di diasabra 14 di juni di 8 am – 4.30 pm na Renaissance Convention Center.

Tur cos ta wordo treci dilanti den e simposio aki lo wordo usa den determinasion di e vision pa Aruba na 2025, strategianan y puntonan di acción pa logra e vision pa Aruba na 2025.
E meta di ‘E FORZA DI E FUNDESHI DI ARUBA’ lo ta pa refleha riba nos éxito pa nos crea un Aruba 2025 basa riba nos forsa.

E ta un actividad pa henter nos comunidad.

Reserva pa participa na e simposio cu e nomber
“E forza di e fundeshi di Aruba”
Juni 14
8.00 – 4.30 pm
Renaissance Convention Center
Entrada: gratis
Inclui un lunch lihe

Jama na telefoon 582-1181 of email na CLOAKING .

Corda cu nos ta spera dia 14 di Juni 2008 na Renaissance Convention Center paso esaki ta oportunidad pa expresa bo opinión y deseo pa un mihor Aruba di mañan.

 
Nos Aruba 2025 © All Rights Reserved - Contact info: Directie Economische Zaken, Handel en Industrie L.G. Smith Boulevard 160, 1st floor
Tel: (297) 582-1181 Fax: (297) 583-4494